لو كنت من مواليد من 1980الى 1990 أحب أعرفك بنفسك وأرجعك لأيام حلوه عشتها تعالا بسرعه نفتكرها سوا :
لو شاهدت فى طفولتك إحدى أفلام الكرتون التاليه ( كابتن ماجد - جريندايزر - النمر المقنع - مازنجر - ليدى - كرتون الفواكه - أستاذنا أيمن - الدولفين )
لو كنت وقفت فى البلكونه العصر وشغلت الكاسيت بصوت عالى ولعبت كوتشينه مع اخواتك
لو كنت اشتريت اللبان السحرى وكنت تستغرب اوى ازاى لونه بيتغير بعد مضغه .
لو كنت فى يوم من الايام مستنى فيلم كرتون على القناه الثانيه وظهرتلك المذيعه حياة عبدون وقالتلك ( أعزائى الأطفال ادعوكم ان تلتفوا حول شاشة القناة الثانيه وأعدكم ألا تديروا مؤشر القناة الثانيه ).
لو فى يوم من الايام كنت بتتفرج على برنامج اطفال ولقيته فجأة إتقطع وجه مكانه اهم الانباء او النشره او مجلش الشعب او الشورى
لو كنت اتفرجت على برنامج ما يطلبه الأطفال .
لو حذروك فى البيت و فى المدرسه انك تشترى لوليتا اللى كانت ببريزه ومع ذلك كنت بتشتريها برضه .
لو غنيت الاغنية دى فى اى حفله فى المدرسه وانت صغير ( بالحب اتجمعنا والدنيا هتسمعنا والليله اول اعيادنا )
لو كنت حبيت اغانى زى ( لولاكى - عائشه - ايه الاساتوك ده )
لو كنت شاهدت احدى الاعلانات التاليه ( اعلان كوفرتينا بتاع العروسين - اعلان عبد الرحيم عمرو وهأتجوز - إعلان كيتو ده اسم القرص كيتو نام )
إعلان مسرحية الزعيم بعادل امام وهو يجلس على الكره الارضيه بشبشبه المشهور
لو كنت بتختم يوم الجمعه زمان ببرنامج غم زى برنامج حياتى وبتقعد غصب عنك تسمع فايزة واصف وهيا بتحل المشكلة
لولقيت فيك اى صفه من الصفات السابقه يبقى انت اكيد مواليد الفترة بين 1980 الى 1990 وممكن يكون فيه صفات تانيه كتيره لو انا نسيتها ياريت تفكرونى بيها .....
